ria.ru
Premjer-ministr samaabvieščanaj Danieckaj narodnaj respubliki (DNR) Alaksandr Zacharčanka zajaviŭ RIA Naviny, što «apałčeńnie» praciahnie aktyŭnyja bajavyja dziejańni suprać ukrainskich vojskaŭ.
«Usie hetyja miesiacy, tydni i dni kijeŭskaja chunta prymianiaje pa Danieckaj i Łuhanskaj abłaściach taktyku «vypalenaj ziamli»: bjuć pa hustanasielenych rajonach, vyvodziać sa stroju, pierš za ŭsio, abjekty voda-, elektra-i hazazabieśpiačeńnia, sacyjalnaj infrastruktury, imknucca pasiejać strach i paniku. Im heta nie ŭdasca.
My doŭha źbiralisia ź siłami. My trymalisia i rychtavali ŭdar u adkaz.
My jaho nanieśli i budziem praciahvać aktyŭnyja bajavyja dziejańni pa vyzvaleńni ad akupantaŭ Danieckaj i Łuhanskaj abłaściej», — zajaviŭ jon.
«Ale dla nas heta nie prosta bajavyja dziejańni. Dla nas heta humanitarna-bajavaja apieracyja.
Čamu humanitarnaja? Adna z hałoŭny[ jaje metaŭ — adsunuć, prybrać supiernika dalej ad bujnych haradoŭ, nie dać jamu mahčymaść nanosić rakietnyja i artyleryjskija ŭdary z usioj najaŭnaj u ich zbroi, jakuju jany biez razboru užyvajuć pa hustanasielenych kvartałach vialikich haradoŭ, dzie žyvuć sotni tysiač ludziej — žančyn, starych, dziaciej», — skazaŭ Zacharčanka.
Pavodle jaho słoŭ, pa-inšamu kijeŭskija ŭłady nie razumiejuć — im usio roŭna kaho na ŭschodzie zabivać. «Ale my im patłumačym. Jany zrazumiejuć», — skazaŭ na zakančeńnie «premjer» DNR.