DAI Hrodna skłała 11 pratakołaŭ na ŭdzielnikaŭ viasielnaha kartežu. Pra heta paviedamili ŭ DAI UUS Hrodzienskaha abłvykankama.
«Siońnia ŭ pole zroku supracoŭnikaŭ DAI trapiła kałona ŭpryhožanych u honar uračystaści aŭtamabilaŭ. Z mašyny, jakaja jechała na čale kartežu, byŭ źniaty piaredni rehistracyjny znak, mašyna, što zamykała, ruchałasia takim čynam, što ni sprava, ni źleva apiaredzić jaje nie ŭjaŭlałasia mahčymym. U dvuch usiedarožnikach pasažyry vysunulisia ŭ akonnyja prajomy», — skazali ŭ DAI.
Paśla prypynku vyśvietliłasia, što dvoje kiroŭcaŭ nie mieli pry sabie dakumientaŭ na prava kiravańnia. Adzin aŭtamabil apynuŭsia niezarehistravanym ŭ DAI. Akramia taho, u aŭtamabilaŭ šyby byli pryciemnienymi zvyš normy. «Adnamu kiroŭcu vydadzieny zahad na rastaniroŭku, a jašče adnamu pryjdziecca zapłacić štraf za toje, što nie zrabiŭ jaje svoječasova. Akulnym likam za dapuščanyja parušeńni składziena 11 pratakołaŭ», — adznačyli ŭ Dziaržaŭtainśpiekcyi.
U DAI papiaredzili, što dapuskać nibyta biaskryŭdnyja volnaści, pryčyniać niazručnaści navakolnym, a tym bolš z vyklikam pavodzić siabie na darozie nikomu nie dazvolena, navat tym, chto śviatkuje hetak značnuju padzieju — stvareńnie novaj siamji.
