U Breście raspačataja kryminalnaja sprava ŭ dačynieńni da mužčyny, jaki ŭ hramadskim miescy demanstravaŭ pałavyja orhany.
Jak paviedamiŭ BiełaPAN viadučy śpiecyjalist adździaleńnia infarmacyi i hramadskich suviaziaŭ UUS Bresckaha abłvykankama Iryna Błachina, 10 žniŭnia kala 21.00 u Breście niedaloka ad Huźnianskoho mosta pa praśpiekcie Respubliki, 41-hadovy miascovy žychar, jaki znachodziŭsia ŭ stanie ałkaholnaha apjanieńnia, pasprabavaŭ paznajomicca z žančynami, jakija prachodzili tam. Paśla taho, jak jany admovilisia razmaŭlać ź nieznajomcam, toj prademanstravaŭ im svaje pałavyja orhany. Adna z žančyn źviarnułasia ŭ milicyju, supracoŭniki jakoj zatrymali hramadzianina.
Pa materyjałach praviedzienaj Maskoŭskim RAUS Bresta pravierki 30 žniŭnia Brescki mižrajonny adździeł Śledčaha kamiteta raspačaŭ u dačynieńni da mužčyny spravu pa č. 1 art. 339 KK (chulihanstva). Raniej jon byŭ sudzimy za kradziež, nie pracuje.
