Alaksandr Łukašenka 4 vieraśnia padpisaŭ ukaz ab uznaharodžańni 11 čałaviek «za značny asabisty ŭkład u padrychtoŭku i praviadzieńnie čempijanatu śvietu pa chakiei 2014 hoda ŭ Minsku».
Pavodle paviedamleńnia pres-słužby prezidenta, ordena Ajčyny III stupieni ŭdastojeny staršynia Minskaha harvykankama Mikałaj Ładućka. Ordenam «Za słužbu Radzimie» III stupieni ŭznaharodžany načalnik hałoŭnaha ŭpraŭleńnia ŭnutranych spraŭ Minskaha harvykankama, hienierał-major milicyi Alaksandr Barsukoŭ, pieršy namieśnik staršyni Dziaržaŭnaha pahraničnaha kamiteta, hienierał-major Ihar Butkievič, načalnik upraŭleńnia nahladu i prafiłaktyki Ministerstva pa nadzvyčajnych situacyjach, pałkoŭnik unutranaj słužby Uładzimir Rafalski.
Prezident Mižnarodnaj fiederacyi chakieja Renie Faziel hanaravany ordenam Družby narodaŭ.
Ordenam Pašany adznačany staršynia Fiederacyi chakieja Jaŭhien Vorsin.
Miedalom «Za pracoŭnyja zasłuhi» ŭznaharodžany kiraŭnik administracyi Zavodskaha rajona Minska Aleh Žohła, načalnik upraŭleńnia bytavoha i haściničnaha absłuhoŭvańnia nasielnictva Minharvykankama Andrej Novikaŭ, namieśnik ministra adukacyi Siarhiej Rudy, pieršy namieśnik načalnika hałoŭnaha ŭpraŭleńnia ideałahičnaj raboty, kultury i pa spravach moładzi Minskaha harvykankama Vitalina Rudzikava, namieśnik hienieralnaha dyrektara AAT «Minskprambud» Uładzimir Tarasievič.
