Biełaruski historyk i piśmieńnik Uładzimir Arłoŭ, viernik hreka-katalickaj parafii Praviednaha Jazepa ŭ Minsku, pieradaŭ na ruki Apostalskaha Nuncyja ŭ Biełarusi Archibiskupa Kłaŭdyjo Hudžeroćci, svaju viadomuju knihu «Ilustravanaja historyja Kraina Biełaruś» (aŭtar tekstu - Uładzimir Arłoŭ, mastak - Źmicier Hierasimovič) jak padarunak dla Jaho Śviataści Papy Franciška.
Anhlijskuju viersiju hetaj knihi («This country called Belarus») Uładzimir Arłoŭ pieradaŭ Apostalskamu Nuncyju ŭ subotu 30 žniŭnia 2014, u dzień malitoŭnaha ŭspaminu Biskupa Česłava Sipoviča, u kaplicy Dušpastyrskaha centra parafii Praviednaha Jazepa ŭ Minsku, pierad Archijerejskaj Liturhijaj, jakuju ŭznačaliŭ dapamožny biskup Prešaŭskaj hreka-katalickaj archijeparchii Uładyka Miłan Łach.
Apostalski Nuncyj pryniaŭ z udziačnaściu hety padarunak, pabłasłaviŭ Uładzimira Arłova i jahonuju žonku Valancinu Aksak, paetesu i žurnalistku, na ich tvorčuju pracu dy zapeŭniŭ, što knihu pieradaść asabista Śviatomu Ajcu ŭ dzień sustrečy ź Im, 25 vieraśnia 2014 h.
