U piatnicu na samicie NATA ŭ Ńjuporcie (Uels, Vialikabrytanija) było ŭzhodniena rašeńnie ab novym farmacie supracoŭnictva z Hruzijaj, jaki dapamoža joj padrychtavacca da siabroŭstva.
Pra heta paviedamiŭ na pres-kanfierencyi hienieralny sakratar aljansu Anders Foh Rasmusen.
«My ŭzhadnili pakiet istotnych mier dla Hruzii. Jon dapamoža krainie damahčysia prahresu ŭ padrychtoŭcy da ŭdziełu ŭ aljansie», — skazaŭ Rasmusen.
Razam z tym novy farmat nie praduhledžvaje členstva jak kančatkovaj mety. Akramia Hruzii, u im biaruć udzieł Iardanija, Šviecyja, Finlandyja i Aŭstralija, jakija nie staviać svajoj metaj siabroŭstva.
Taksama paviedamlajecca, što NATA zapuskaje novy farmat supracoŭnictva z uschodnimi susiedziami — «płan hatoŭnaści da dziejańniaŭ», i Hruzija taksama budzie ŭ im udzielničać.
«Udzieł Hruzii ŭ novym farmacie demanstruje pryznańnie taho prahresu, jaki byŭ dasiahnuty joju ŭ adnosinach z NATA, a taksama zdolnaść hruzinskaj armii supracoŭničać z aljansam», — adznačyŭ hienieralny sakratar.
Rasmusen dadaŭ, što rašeńnie NATA pavinna dasłać «mocny sihnał Rasii».
«Rašeńnie, jakoje my pryniali, dasyłaje vielmi važki sihnał dla Rasii. Ja liču, što heta absalutna adpaviadaje situacyi — treba sihnalizavać Maskvie ab našaj hatoŭnaści da abarony intaresaŭ (aljansu) na Uschodzie», — zajaviŭ jon.
U toj ža čas viadoma, što Tbilisi płanavaŭ atrymać bolšy ŭzrovień pryznańnia, i prasiŭ pryniać rašeńnie ab pradastaŭleńni Hruzii Płana dziejańniaŭ adnosna siabroŭstva.
Kiraŭnik MZS Čechii Lubamir Zaaralek u piatnicu pryznaŭ, što takaja mahčymaść abmiarkoŭvałasia, ale ŭ NATA nie byŭ dasiahnuty kansensus z hetaj nahody. «Mnie vielmi škada, što kansensus nie znojdzieny. Bo Hruzija — najbolš padrychtavanaja kraina siarod pretendentaŭ», — zajaviŭ jon.
