«My patrabujem spynić kryminalny pieraśled i vyzvalić samaha maładoha viaźnia sumleńnia Artura Fińkieviča. U 22‑ hadovaha viaźnia ŭžo siońnia na hałavie sivizna. Ad napružańnia i pieražyvańniaŭ ŭ Artura pavyšajecca cisk, pastaŭleny dyjahnaz «hipertanija». Praz chutki čas A.Fińkievič pavinien byŭ vyjści na volu. Ale jamu nie dazvolili chadzić na pracu, pieraviali ŭ śledčy izalatar i zaviali novuju kryminalnuju spravu. Prosim Vas razhladać spravu Artura Fińkieviča kirujučysia maralnaściu i sumlennaściu, viedajučy, što najbolš spraviadlivy Božy sud i sud historyi, jakija z časam daduć adpaviednuju adznaku ŭsim čałaviečym dziejańniam» — adznačajecca ŭ liście.
Zvarot padpisali lider ruchu «Za svabodu» Alaksandar Milinkievič, narodny paet Nił Hilevič, piśmieńniki Hienadź Buraŭkin i Ŭładzimier Arłoŭ, mastak Alaksiej Maračkin, hieolah Radzim Harecki, palityk Pavał Sieviaryniec. Usiaho list maje 92 padpisanty.