Rasijski vajenny spadarožnik-fotaraźviedčyk «Kosmas-2495» vybuchnuŭ u niebie nad terytoryjaj ZŠA.
Jak pieradaje «Interfaks» sa spasyłkaj na amierykanskuju presu, incydent adbyŭsia jašče tydzień tamu, ale paviedamleńni pra heta stali pastupać tolki ciapier.
Pavodle dadzienych amierykanskich žurnalistaŭ, adbyłosia heta 2 vieraśnia ŭ 22:30 pa miascovym časie. Ahnisty šar naziraŭsia ŭ centralnym Kałarada i paŭdniovym Vajominhu.
Spadarožnik-fotaraźviedčyk pavinien byŭ viarnuć zdymki na terytoryju Rasii, ale z-za pamyłki z tarmažeńniem u atmaśfiery pramachnuŭsia i staŭ padać nad terytoryjaj ZŠA. Spadarožnik, chutčej za ŭsio, samalikvidavaŭsia.
Spadarožnik «Kobalt-M» byŭ zapuščany ŭ traŭni. Jaho masa amal 7 ton. Paśla aktyŭnaha isnavańnia na arbicie satelity takoha typu skidajuć adźniatyja plonki ŭ nievialikich kantejnierach, jakija pryziamlajucca ŭ Arenburhskaj vobłaści.
