Žanr: fantastyka, tryler
Režysior: Uiljam Jubenk
U rolach: Brentan Tuejts, Łorens Fišbiorn, Alivija Kuk, Bo Nap, Lin Šej, Robiert Łonhstryt
ZŠA, 86 chv.
Try studenty — Džona, Nik i Chejli — nakiroŭvajucca ŭ Kaliforniju na mašynie.
Padčas prypynku ŭ hateli Nik i Džona vyśviatlajuć, što chakier Nomad adsačyŭ ich miescaznachodžańnia i dasyłaje im pahrozy. Jany vyličvajuć, što chakier znachodzicca ŭ zakinutym domie ŭ Nievadzie, i vyrašajuć pajechać tudy. Ale dom akazvajecca pustym. Pakul Džona i Nik abšukvajuć jaho, Chejli źnikaje, a sami chłapcy hublajuć prytomnaść. Nik aprytomnivaje ŭ dziŭnym miescy, padobnym da navukovadaśledčaha centra. Jon apantany idejaj znajści svaich siabroŭ.
Vizualna biezdakornaja fantastyka — druhaja režysiorskaja rabota Uiljama Jubenka (pieršaja — «Luboŭ», 2011), prafiesijnaha apieratara.
Film raskazvaje trochi dziŭnuju fantastyčnuju historyju pra inšapłanietnikaŭ u kłasičnym klučy: kantakt i ekśpierymienty nad ludźmi. Stužcy nie chapaje mocnaha scenara i napoŭnienaści sensam, choć heta ŭ niekatoraj stupieni kampiensujecca zahadkavaściu padziej (jakija, adnak, kancoŭka całkam nie tłumačyć) i mocnym vizualnym šeraham, u jakim kožny kadr — tvor apieratarskaha mastactva.
