U Biełarusi kankretyzavany pieralik rabotnikaŭ, na jakich afarmlajucca i viaducca pracoŭnyja knižki. Ab hetym paviedamili ŭ Ministerstvie pracy i sacyjalnaj abarony.
Pastanovaj ministerstva numar 40 zaćvierdžana ŭ novaj redakcyi instrukcyja ab paradku viadzieńnia pracoŭnych knižak, jakaja źmiaščaje šerah norm pa pytańniach, što raniej nie byli ŭrehulavany.
Instrukcyja vyznačaje paniaćcie pracoŭnaj knižki, vypadki, u jakich jana vydajecca, kankretyzujecca pieralik rabotnikaŭ, na jakich afarmlajucca i viaducca pracoŭnyja knižki. U pryvatnaści, paznačana, što pracoŭnyja knižki viaducca taksama na chatnich rabotnikaŭ, členaŭ sialanskaj (fiermierskaj) haspadarki.
Vyznačany źviestki, jakija ŭnosiacca ŭ pracoŭnuju knižku, paradak ich uniasieńnia, a taksama źviestki, jakija nie ŭnosiacca ŭ pracoŭnuju knižku.
Praduhledžana ŭniasieńnie ŭ pracoŭnuju knižku zapisaŭ pry pryjomie na rabotu asob, jakija nie majuć adpaviednaj kvalifikacyi (razradu, kłasa) pa prafiesii; ab naznačeńni na pasadu časovaha (antykryzisnaha) kiraŭnika i vyzvaleńni ad vykanańnia abaviazkaŭ pa asnoŭnym miescy raboty (słužby) na pieryjad vykanańnia abaviazkaŭ časovaha (antykryzisnaha) kiraŭnika.
Instrukcyjaj ustanoŭleny paradak uniasieńnia (vypraŭleńnia) zapisaŭ u pracoŭnaj knižcy rabotnika ŭ vypadku vyjaŭleńnia prapuščanaha, niapravilnaha abo niedakładnaha (niapoŭnaha) zapisu, a taksama paradak zaśviedčvańnia zapisaŭ u pracoŭnaj knižcy rabotnika ŭ vypadku śmierci najmalnika - fizičnaj asoby.
Instrukcyja nie źmiaščaje norm, jakija adsyłajuć da asabistaj kartki formy T-2, viadzieńnie jakoj z 22 listapada 2007 hoda nie źjaŭlajecca abaviazkovym.
U instrukcyi vyznačajecca paradak zapaŭnieńnia, vydačy pracoŭnych knižak (układyšaŭ da ich), dublikataŭ pracoŭnych knižak, raźlikaŭ za pracoŭnyja knižki (układyšy da ich), ulik i paradak zachoŭvańnia najmalnikam.
