29 žniŭnia Aleh Kosak z v. Zaborje, što ŭ Vilejskim rajonie, razam z synam i dačkoj sabrali kala 750 baravikoŭ.
Miesca zboru Aleh karespandentu Kraj.baj nie adkryŭ. Skazaŭ tolki, što maje vialiki dośvied u «cichim palavańni» i dobra viedaje, dzie i jakija hryby možna źbirać. Ale ŭ asnoŭnym ź lesu addaje pieravahu vysakarodnamu hrybu — baraviku. Aleh Kosak naradziŭsia i vyras u vioscy, tamu ź dziacinstva lubić źbirać hryby i chodzić u ich za kožny hod.
Taki «ŭłoŭ» ŭ jaho ŭpieršyniu.
Padstavaj dla rekordu staŭ sioleta artykuł u haziecie pra hrybnika, jaki sabraŭ 300 baravikoŭ. Aleh vyrašyŭ abaviazkova pabić hety rekord.
29 žniŭnia jon adpraviŭsia ŭ les razam z dačkoj Valeryjaj i synam Vitalom. I dzień byŭ udałym.
Śviedčańniem rekordu stali fatahrafii. Hryby Aleh Kosak ličyŭ sam, a voś da viečara važdacca ź imi na kuchni pryjšłosia žoncy. Častka z 750 baravikoŭ była zasušana, častka — zvaranaja i zamarynavaŭ.
Pa słovach hrybnika, letaś stolki baravikoŭ nie było.
Hety hod na ich ŭradžajny. U adnym miescy jon znachodziŭ i da 100 štuk.