itar-tass.com
Varoniežski abłasny sud adchiliŭ skarhu advakataŭ na padaŭžeńnie hramadziancy Ukrainy Nadziei Saŭčanki terminu jaje aryštu da 30 kastryčnika, paviedamlaje itar-tass.
Sud pahadziŭsia z dovadami śledstva, što ŭ vypadku vyzvaleńnia Saŭčanki pad zakład u 1 młn rasijskich rubloŭ (280 młn biełaruskich), što prapanoŭvali advakaty, abvinavačanaja moža źbiehčy dy nie źjavicca ŭ sud, dzie buduć prachodzić słuchańni spravy pa sutnaści.
Heta adbyłosia nasupierak tamu, što abarona Saŭčanki nastajała na daśledavańni ŭ chodzie pasiadžeńnia piśmovych dokazaŭ abvinavačvańnia, jakija, na jaje dumku, dakazvajuć adsutnaść dokazaŭ u śledstva jaje datyčnaści da hibieli rasijskich žurnalistaŭ.
SK RF pradjaviŭ hramadziancy Ukrainy abvinavačvańnie va ŭdziele ŭ zabojstvie dvuch supracoŭnikaŭ VHTRK.
Jana, pavodle rasijskich ŚMI, była zatrymanaja na terytoryi Rasii i ŭziata pad vartu. Pavodle viersii śledstva, padčas vajennych dziejańniaŭ u rajonie Łuhanska ŭ červieni Saŭčanka, źjaŭlajučysia apierataram-navodčykam viertalota Mi-24, ustupiła ŭ bataljon «Ajdar». Daviedaŭšysia kaardynaty raźmiaščeńnia hrupy rasijskich žurnalistaŭ VHTRK i inšych cyvilnych asob pad Łuhanskam, jana pieradała ich, paśla čaho mienavita pa ich byŭ zrobleny minamiotny abstreł, u vyniku jakoha zahinuli supracoŭniki VHTRK Ihar Karnialuk i Anton Vałošyn.
Učora partyja Julii Cimašenki «Baćkaŭščyna» zajaviła, što Nadzieja Saŭčanka budzie numaram 1 u ich parłamienckim śpisie na vybarach 26 kastryčnika.