Uzajemadziejańnie pa linii Minsk — Brusiel abmierkavana 15 vieraśnia ŭ biełaruskaj stalicy na biełaruska-aŭstryjskich kansultacyjach pamiž ministerstvami zamiežnych spraŭ. Ab hetym paviedamili ŭ pres-słužbie Ministerstva zamiežnych spraŭ Biełarusi.
Baki abmierkavali šyroki śpiektr pytańniaŭ dvuchbakovych adnosin, uklučajučy prablematyku «Uschodniaha partniorstva», a taksama pytańni rehijanalnaha i mižnarodnaha paradku dnia.
Biełaruskaja i aŭstryjskaja delehacyi dasiahnuli damoŭlenaści ab realizacyi šeraha zachadaŭ, pryznačanych nadać dynamiku dvuchbakovamu supracoŭnictvu i dyjałohu Biełarusi i ES.
Biełaruskuju delehacyju na pierahavorach uznačaliła namieśnik ministra zamiežnych spraŭ Alena Kupčyna, aŭstryjskuju - kiraŭnik palityčnaj siekcyi Fiederalnaha ministerstva pa pytańniach Jeŭropy, intehracyi i mižnarodnych spraŭ Jan Kikiert.
Akramia taho, baki padpisali mižuradavaje pahadnieńnie ab supracoŭnictvie i ŭzajemnaj dapamozie ŭ mytnych spravach. Ź biełaruskaha boku podpis pad dakumientam pastaviŭ staršynia Dziaržaŭnaha mytnaha kamiteta Alaksandr Špileŭski, z aŭstryjskaha — Jan Kikiert.
