Upraŭleńniem Śledčaha kamiteta Respubliki Biełaruś pa Minsku rasśledujecca kryminalnaja sprava ab ździajśnieńni hvałtoŭnych dziejańniaŭ seksualnaha charaktaru da dźviuch dziaŭčat 2001 i 2002 hoda naradžeńnia, paviedamlaje sajt Śledčaha kamiteta.
4 vieraśnia ŭ Partyzanskim rajonie nieviadomy pačaŭ sprobu ździejśnić hvałtoŭnyja dziejańni seksualnaha charaktaru ŭ adnosinach da dziaŭčynak, jakija viartalisia sa škoły, paviedamlaje pres-słužba USK pa Minsku.
Pry hetym mužčyna nie daŭ dzieciam mahčymaści razhledzieć siabie. Adnoj ź dziaŭčynak udałosia źbiehčy i paklikać na dapamohu. Złamyśnik źbieh.
Zaraz žyćciu i zdaroŭju dziaciej ništo nie pahražaje.
U chodzie sumiesnych śledčych dziejańniaŭ i apieratyŭna-vyšukovych mierapryjemstvaŭ, praviedzienych supracoŭnikami USK pa h.Minsku i kryminalnaha vyšuku MUS i HUUS Minharvykankama,
asoba padazravanaha vyznačanaja na praciahu sutak, jon zatrymany.
Zaraz z padazravanym pravodziacca nieabchodnyja śledčyja dziejańni. Pa znojdzienych na miescy złačynstva rečyŭnych dokazach pryznačanyja adpaviednyja ekśpiertyzy.
U metach praduchileńnia takich złačynstvaŭ, a taksama kab paźbiehnuć lubych niehatyŭnych situacyj z udziełam niepaŭnaletnich, USK pa h.Minsku nastojliva rekamienduje baćkam šukać lubuju mahčymaść supravadžać dziaciej va ŭstanovy adukacyi i nazad.
Kali heta nie ŭjaŭlajecca mahčymym, varta aryjentavać dziaciej chadzić hrupami, lepš za ŭsio ŭ supravadžeńni dobra znajomych staršakłaśnikaŭ.
Nie varta taksama pakidać niepaŭnaletnich biez uvahi padčas hulniaŭ u dvarach i ŭ lubych inšych situacyjach.
Rekamiendacyi ab adkaznaści za padapiečnych taksama datyčać piedahohaŭ i vychavalnikaŭ, nahadvaje USK.
