66-hadovy brytaniec Bob Ficdžon raspracavaŭ u siabie na kuchni pryładu Easylock.
Jano zdolna začynić zsiaredziny amal lubyja dźviery ŭ śviecie. Na zapusk masavaj vytvorčaści svajoj vynachodki jon sabraŭ bolš za 10 tysiač funtaŭ sterlinhaŭ ad kraŭdfandynhavaha sajta IndieGogo.
Stalovaja kanstrukcyja, jakaja važyć mienš za mabilny telefon, błakuje lubyja dźviery, jakija adčyniajucca ŭsiaredzinu, i moža vykarystoŭvacca ŭ lubym kutku ziamnoha šara, zabiaśpiečvajučy dadatkovuju biaśpieku dla haściej, jakija pražyvajuć u chostałach i plažnych chacinach. Adna jaho častka macujecca da kraju dźviarej, druhaja - da dźviarnoj karobki, pieradaje RT.
Aŭtar vynachodki nazyvaje jaho «najlepšym padarunkam padarožniku». U padziaku svaim sponsaram za finansavuju padtrymku jon adpraviŭ im hatovyja vyraby.
«U pieršuju čarhu ja dumaŭ pra biaśpieku svaich unukaŭ. Pryjdzie čas, jany pačnuć padarožničać pa śviecie, i ja chaču harantavać ich biaśpieku», - tak brytaniec tłumačyć, što padšturchnuła jaho da stvareńnia Easylock.
