Nie vyklučana, što ŭ bližejšyja hady ŭ Vilni budzie pabudavana mietro. Hety prajekt karystajecca papularnaściu siarod litoŭskaha hramadstva, a realizacyi aktyŭna spryjajuć pradstaŭniki Minskaha mietrapalitena.
Pavodle kiraŭnika pracoŭnaj hrupy, jakaja zajmajecca hetym ź litoŭskaha boku, deputata meryi stalicy Litvy Uładzimira Avina, pabudova mietro ŭ Vilni — pytańnie vielmi aktualnaje.
— Byłoje kiraŭnictva raspracavała schiemu pabudovy troch linij mietro, ale dla Vilni, ź jaje vuzkimi vulicami, takaja pabudova stała b katastrofaj. Bolšaść žycharoŭ, zhodna z apytańniami, vystupaje suprać takoj idei.
U vyniku byŭ stvorany hramadski ruch «Mietro Sajudzis», jaki zaraz i prapahanduje ideju pabudovy mietro. Cikava, što niežadańnie žycharoŭ pabačyć razbureńnie častki staražytnaha horadu — nie adziny čyńnik na karyść padziemki.
— Tendencyi sučasnaha śvietu — ekałohija, baraćba z zabrudžvańniem. Tamu ekałahičny, elektryčny transpart — samy lepšy vychad.
Chacia rašeńnie ab pabudovie mietro pakul aficyjna nie pryniata, jaho prapracoŭkaj užo zajmajucca na vysokim uzroŭni. Tak, u vieraśni Minsk naviedali mer i vice‑mer Vilni, jakija, akramia inšaha, abmiarkoŭvali z haradskim kiraŭnictvam biełaruskaj stalicy i hetaje pytańnie.
Jak kaža namieśnik kiraŭnika Minskaha mietrapalitenu Aleh Kruhłoŭ, da hetaha byli ŭ Minsku i druhija hości.
— Pryjazdžaŭ deputat Siejmu, biźniesmien, u jakoha jość bujnaja budaŭničaja kampanija. Byŭ tut i kiraŭnik hramadskaj arhanizacyi budaŭnikoŭ, jaki raniej, ciaham dziesiaci hadoŭ, źjaŭlaŭsia ministram budaŭnictva. Usich cikavili pytańni, źviazanyja z pabudovaj mietro.
Minsk — nie adziny horad śvietu, jaki cikavić litoŭcaŭ. Ich uvahu pryciahnuli mietrapaliteny Porta, Renersa, Turynu, Tułuzy. Što ž datyčyć padziemki biełaruskaj stalicy, to, pavodle słovaŭ Avina, u nas jość čamu pavučycca.
— Nas cikavić i technałohija, i burylnyja mašyny, i toje, jak možna pabudavać tańniej. Naturalna, my susiedzi, i možna vielmi lohka źjeździć, sustrecca, abmierkavać i pahladzieć.
Pavodle Avina, pradstaŭnika praviačaj partyi «Sajudzis», mietro — heta tolki pačatak supracoŭnictva pamiž našymi krainami. Dvuchbakovyja suviazi, kaža deputat, i nadalej buduć pašyracca. Aproč mietro, ličyć Avin, jość sens źviarnuć uvahu na biełaruski dośvied zabudovy haradoŭ.