«Usia infarmacyja zasakrečanaja. Rasieja nia viedaje, što ź joj budzie praz dva tydni, my nia viedajem, što z nami budzie zaŭtra». Kamentar Siarhieja Dubaŭca.
Siarhiej Dubaviec
«Usia infarmacyja zasakrečanaja. Rasieja nia viedaje, što ź joj budzie praz dva tydni, my nia viedajem, što z nami budzie zaŭtra.
Kali Łukašenka admovicca ad padpisańnia Kanstytucyjnaha aktu, a ŭ krainie praciahniecca liberalizacyja, z vyzvaleńniem palitviaźniaŭ, pavahaj da apazicyi i palapšeńniem pracy ŚMI, to heta pazytyŭny sychod sustrečy 13‑14 śniežnia. Kali ž ŭsio zdarycca tak, jak piša «Echo Moskvy», to ja chaču sprahnazavać biełaruski scenar słovami A. Łukašenki: «Heta budzie druhaja Čačnia».
Kali kiravacca lohikaj druhoha scenaru, to dla niezaležnaha hramadztva — heta budzie ŭdar siakieraj pa hałavie. Spačatku jano ŭpadzie ŭ stupar, ale ŭrešcie heta vyljecca ŭ samy rašučy pratest. Nacyja, jakuju vykinuli z pravavoha pola i zahnali ŭ kut, maje prava na lubyja metady samaabarony».