Padletki nie matyvavanyja lačycca ad narkazaležnaści. Takoje mierkavańnie vykazała na pres-kanfierencyi 23 vieraśnia ŭ Minsku zahadčyca padletkavaha adździaleńnia ŭstanovy achovy zdaroŭja «Haradski kliničny narkałahičny dyspansier» Ludmiła Špakoŭskaja.
«Miedycynskaja dapamoha padletkam akazvajecca ŭ poŭnym abjomie, ale prablema zaklučajecca ŭ tym, što, pa-pieršaje, dzicia moža trapić da nas, kali ŭsie miery apaźnilisia, a pa-druhoje, pacyjenty, jakija ŭžyvajuć narkotyki, časta nie hatovyja admovicca ad ich», — padkreśliła jana.
«U padletkaŭ niama matyvacyi na lačeńnie, tamu tolki zakanadaŭča i tolki prymusova na niejkim etapie my ich možam pryciahnuć», — adznačaje Špakoŭskaja.
Pavodle jaje słoŭ, pastavić na ŭlik možna padletka, kali jość dakumient ab tym, što jon užyvaje narkotyki. «Jość vypadki, kali dzicia zatrymlivajecca za padazreńnie, na jaho zavodzicca kryminalnaja sprava, ale nie dakazvajecca, što jano ŭžyvała. My jaho nazirajem u kantrolnaj hrupie i ź im pravodzim prafiłaktyčnuju pracu», — adznačyła Špakoŭskaja.
Jana taksama padkreśliła, što kali darosły čałaviek źviarnuŭsia da ŭrača-narkołaha, to ź im niama prablem pa pryznačeńni lekaŭ. «Z padletkam inšaja situacyja. Biez baćkoŭ my nie majem prava vypisvać im preparaty, a baćki nie viedajuć ab hetym. Tamu i pravodzicca prafiłaktyčnaja praca. Kali chtości zaŭvažyć, źjavicca aficyjnaja papiera, tady my majem prava vyklikać baćkoŭ. Biez apošnich praca ź dziećmi vielmi prablematyčnaja», — adznačaje zahadčyca adździaleńnia.
«Statystyka śviedčyć, što ŭ Minsku stabilizavałasia situacyja sa spažyvańniem narkotykaŭ padletkami. Vielmi aktyŭna ŭ apošni čas pravodzicca praca pa rańnim vyjaŭleńni dziaciej, jakija ŭžyvajuć narkotyki. Ustanovy adukacyi paviedamlajuć pra fakty ŭžyvańnia, składajucca pratakoły, i takija dzieci nakiroŭvajucca da ŭračoŭ-narkołahaŭ, prachodziać nieabchodnaje lačeńnie i atrymlivajuć psichałahičnuju dapamohu», — adznačyła Špakoŭskaja.
Pavodle jaje słoŭ, letaś prajšli navučańnie 450 školnych psichołahaŭ pa vyjaŭleńni ŭžyvańnia narkotykaŭ navučencami i praviadzieńni prafiłaktyčnych mierapryjemstvaŭ. U škołach i inšych ustanovach adukacyi pierad dziećmi i baćkami vystupajuć uračy-narkołahi, pradstaŭniki MUS, pravodziacca kruhłyja stały, pres-kanfierencyi i inšyja mierapryjemstvy pa prafiłaktycy narkatyčnaj zaležnaści ŭ padletkaŭ.
