Płanam złamyśnika pieraškodzili apieratyŭniki z upraŭleńnia narkakantrolu i procidziejańnia handlu ludźmi Bieraścia. Razam z kalehami z MUS, HUUS Minharvykankama i bajcami śpiecpadraździaleńnia «Ałmaz» jany źniali handlara žyvym tavaram prosta ź ciahnika ŭ Minsku.
Zatrymany syšoŭsia ź dziaŭčatami pry dapamozie adnaho z sajtaŭ znajomstvaŭ. Za ich dastaŭku ŭ Rasiju jon mieŭ namier atrymać dobry hanarar.
Ciapier złamyśnik znachodzicca ŭ izalatary i daje pakazańni, u dačynieńni da jaho raspačata kryminalnaja sprava pa častcy 1 artykuła 14 i artykuła 171 KK. Hetyja artykuły praduhledžvajuć pakarańnie ŭ vyhladzie pazbaŭleńnia voli terminam da 10 hadoŭ z kanfiskacyjaj majomaści.
Pa infarmacyi milicyi, u 2013 hodzie z dokazami złačynstva było zatrymana 11 tak zvanych trafikioraŭ, a za 8 miesiacaŭ hetaha hoda ŭžo 8. Pryčym siem ź ich nakiroŭvalisia ŭ Rasieju.
