Padstavaj dla papiaredžańnia staŭ list, jaki siabry Kanservatyŭna‑chryścijanskaj partyi raspaŭsiudžvali ŭ dziaržaŭnych orhanach. Pavodle Minjustu, list «nakiravany na farmavańnie niepryjazi, nianaviści da rasiejskaj nacyjanalnaści. U jahonym tekście abražajucca pačućci hramadzianaŭ u źviazku ź ich prynaležnaściu da rasiejskaj nacyjanalnaści, utrymlivajucca paklopnickija vykazvańni».
Minjust ukazaŭ, što ŭ liście padajecca tendencyjnaja infarmacyja ŭ adnosinach da palityki Rasiejskaj Federacyi i Respubliki Biełaruś u (cytata) «zbližeńni biełaruskaha i rasiejskaha narodaŭ, hrubyja paklopnickija napadki ŭ dačynieńni da nacyjanalnaj palityki Rasiejskaj Federacyi, naroda Rasiei i jaho historyi».
Ministerstva justycyi prapanuje spynić raspaŭsiudžvańnie lista i pryznać jaho raspaŭsiud pamyłkovym dziejańniem. U vypadku nievykanańnia partyju likvidujuć.