Alaksandr Łukašenka 1 kastryčnika daŭ intervju telekanału «Jeŭrańjus». U jakaści intervjujera kiraŭnika dziaržavy vystupiŭ kiraŭnik biuro «Jeŭrańjus» va Uschodniaj Jeŭropie z ofisam u Kijevie Sierdžya Kantone, paviedamili ŭ pres-słužbie biełaruskaha lidara.
U čas intervju, jakoje doŭžyłasia paŭtary hadziny, pieravažnaja kolkaść pytańniaŭ, adrasavanych kiraŭniku Biełarusi, datyčyłasia situacyi va Ukrainie.
Kiraŭnik dziaržavy padzialiŭsia svaim bačańniem pryčyn, što pryviali da vostraha ŭnutrypalityčnaha kryzisu ŭ hetaj dziaržavie, uklučajučy ŭzbrojenaje procistajańnie na paŭdniovym uschodzie Ukrainy. Alaksandr Łukašenka taksama raskazaŭ ab praktyčnych zachadach, jakija mahli b być zrobleny pry sadziejničańni mižnarodnaj supolnaści dla chutčejšaha mirnaha ŭrehulavańnia situacyi va Ukrainie ŭ intaresach usiaho ŭkrainskaha naroda.
«Kali hety kanflikt (va Ukrainie) znachodziŭsia ŭ zarodku, asobnyja zachodnija palityki zadali mnie pytańnie: «Jak vy bačycie situacyju va Ukrainie, što treba zrabić, kab spynić hetu vajnu?». Ja, viadoma, nie chacieŭ dyskutavać na hetu temu, razumiejučy, što heta vynikaŭ nie daść, ale tym nie mienš ja im skazaŭ, što ŭ mianie jość svajo bačańnie i prapanovy, kab narmalizavać situacyju va Ukrainie, poŭnaściu narmalizavać: i palityčnuju, i nie davieści da vajny. I my hety płan Zachadu, nie kankretyzujučy na hetym etapie, prapanavali, budučy ŭpeŭnienymi ŭ tym, što heta nie pryviadzie da taho, što Zachad z hetym płanam budzie zhodny. Bolš taho, ja paabiacaŭ, što ŭ vypadku realizacyi prapanoŭ biełaruskaha boku situacyja narmalizujecca va Ukrainie, nie havoračy ŭžo ab tym, što vajny nie budzie. Zachad nie zhadziŭsia z hetym płanam. Značyć, kamuści vyhadna tak», — zajaviŭ Łukašenka.
Asobnaja ŭvaha ŭ chodzie intervju była nadadzienaja važniejšaj roli na sučasnym etapie mocnych i adkaznych nacyjanalnych dziaržaŭnych instytutaŭ, pryznačanych va ŭmovach surjoznaha asłableńnia tradycyjnych instrumientaŭ mižnarodnaha prava nie dapuskać chaatyčnaha, niekirujemaha raźvićcia hramadskich pracesaŭ, jakija časta pryvodziać da hramadzianskaha procistajańnia i kanfliktaŭ sa zhubnymi vynikami.
Płanujecca, što intervju kiraŭnika dziaržavy vyjdzie ŭ efiry telekanała «Jeŭrańjus» u piatnicu, 3 kastryčnika 2014 hoda.
