Supracoŭniki milicyi 2 kastryčnika znajšli 15-hadovuju hamialčanku, jakaja ličyłasia bieź viestak źnikłaj z 7 vieraśnia.
U toj dzień dziaŭčyna pajšła z domu svajoj siastry, staronki ŭ sacsietkach vydaliła, a telefon raźbiła. Da pošukaŭ padletka padklučyŭsia homielski pošukava-vyratavalny atrad «Simuran», jaki raspaŭsiudziŭ aryjentoŭki dziaŭčyny.
Pa telefonie, pakazanym u aryjentoŭcy, u atrad patelefanavała žančyna i skazała, što bačyła padobnuju dziaŭčynu ŭ pasiołku Prybar Homielskaha rajona. Infarmacyju pieradali milicyi, paśla čaho apieratyŭniki vyjechali ŭ pasiołak, kab apytać miascovych žycharoŭ, paviedamili BiełaPAN u atradzie «Simuran».
U vyniku dziaŭčynu znajšli ŭ domie cyhanoŭ. Ab matyvach ŭciokaŭ z domu padletak pakul nie raspaviadaje, milicyja pravodzić raźbiralnictva.
