Režysior Devid Linč namiaknuŭ na viartańnie sieryjała «Tvin Piks», apublikavaŭšy na svajoj staroncy ŭ Twitter frazu adnaho ź piersanažaŭ teleprajekta.
U paviedamleńni režysiora źmiaščajecca nastupnaja cytata: «Darahija siabry ŭ Twitter! Žvačka, jakaja vam padabałasia, vierniecca ŭ modu!» (Dear Twitter Friends: That gum you like is going to come back in style!) Hetyja słovy hałoŭny hieroj sieryjała Dejł Kupier čuje ŭ zaklučnaj sieryi. Nadpis supravadžajecca chešteham damngoodcoffee («pa-čartoŭsku dobraja kava» — lubimaja fraza Kupiera). Taki ž kamientar raźmiaściŭ u sacyjalnaj sietcy kaleha Linča, ź jakim jon razam pracavaŭ nad sieryjałam, — režysior Mark Frost.
The Hollywood Reporter źviazvaje źjaŭleńnie tvita z druhoha cytataj z «Tvin Piks», jakaja naležała pryvidu Łory Pałmier.
U finalnym epizodzie jana kaža, źviartajučysia da Dejła Kupiera: «My sustreniemsia praz 25 hadoŭ». U 2014 hodzie jak raz spoŭnicca 25 hadoŭ z momantu zaviaršeńnia teleprajekta.
Sieryjał «Tvin Piks» vychodziŭ u efir u ZŠA na praciahu dvuch siezonaŭ z krasavika 1990 pa červień 1991 hoda. Jon uklučaje ŭ siabie 30 sieryj. Siužet razhortvajecca vakoł zabojstva školnicy Łory Pałmier, jakoje rasśleduje śpiecyjalny ahient FBR Dejł Kupier (akcior Kajł Mak-łochłan). U 1992 hodzie na ekrany vyjšaŭ paŭnamietražny film «Tvin Piks: ahoń idzi sa mnoj», jaki raspaviadaŭ pieradhistoryju sieryjała. Karcina atrymała admoŭnyja vodhuki krytykaŭ i nie akupiłasia ŭ prakacie.
