 |
Reklama pra nabor u biełaruskamoŭnyja hrupy ŭ dziciačych sadkach horadu źjavicca taksama ŭ miascovych hazetach i zahučyć na haradzkich kirmašach.
U haradzienskich tralejbusach na dziasiatku maršrutaŭ reklamujuć biełaruskamoŭnyja dziciačyja sadki. Hukavy rolik zaprašaje haradziencaŭ addavać svaich dzietak u sadki ź biełaruskamoŭnym vychavańniem i navučańniem. U chutkim časie takaja ž reklama zahučyć na haradzienskich kirmašach — «Karonie» i Skidzielskim. A ŭ reklamnych dadatkach hazetaŭ «Hrodzienskaja praŭda» i «Iz ruk v ruki» źjaviacca adpaviednyja abviestki. Usio heta stała mahčymym dziakujučy vysiłkam Baćkoŭskaha kamitetu ŭ spravie arhanizacyi biełaruskamoŭnych hrup u dziciačych sadkach. Nahadajem, što adździeł adukacyi Haradzienskaha harvykankamu razam z rajonnymi administracyjami pajšoŭ nasustrač baćkam. Haradzkija ŭłady pačali prapracoŭvać mahčymaść stvareńnia roznaŭzrostavych biełaruskamoŭnych hrupaŭ. Pakul što ŭ dziciačych sadkach Horadni niama nivodnaj hrupy ź biełaruskaj movaj vychavańnia i navučańnia.
Adzin z arhanizataraŭ Baćkoŭskaha kamiteta Ihar Kuźminič paviedamiŭ, što hrupa dzietak, jakich baćki chočuć advieści ŭ biełaruskamoŭny sadok, vyrasła da 15 čałaviek. Tamu ciapier paŭstała pytańnie pra stvareńnie nie adnoj, a dźviuch hrupaŭ — jasielnaj i małodšaj. «Naša hałoŭnaja zadača — nia prosta vychavańnie dzietak u sadkach ź biełaruskaj movaj, ale i sacyjalizacyja našych dziaciej u budučym» — patłumačyŭ sp. Kuźminič. Jon upeŭnieny, što baćki zdolejuć damahčysia svajho: «U nas dobraja kamanda, perspektyŭnaja».
