Miadźviedzieŭ prapanavaŭ Pucinu ŭ vypadku paśpiachovaj realizacyi planu "Pierajemnik" stać premjeram. Što heta aznačaje?
Ź vialikaj dolaj imaviernaści heta aznačaje, što "ion jašče vierniecca".
Zaraz, kali abmalavany taki tandem, aŭtarytet Pucina nadaść rejtynhu jahonamu favarytu. Miadźviedzieŭ ža paśla pieramohi na sakavickich vybarach moža pabyć trochi ŭ roli zyc-staršyni — i pad niejkaj markaj vyzvalić pasadu. Pucin aŭtamatam stanovicca "v.a.". Astatniaje jość spravaju techniki.
Faktyčna heta rymejk scenaru, što ŭźnios nievyraznaha feesbešnika Pucina na tron ŭ 1999 hodzie. Tolki ciapier "v.a" budzie ŭžo raskručanaj fihuraj. I razam z tym adbyvajecca elehantnaje "abnulvańnie" terminaŭ. Voś takaja zahahulina.
Ci abradujecca takomu zyhzahu biełaruski aficyjny lidar, jaki niadaŭna ŭ interviju "Pais" škadavaŭ pra chutki sychod Pucina, — heta jašče pytańnie.
Chiba što adzin momant tut umoŭna stanoŭčy. Jak zaznačyŭ u hutarcy sa mnoj palitolah Andrej Fiodaraŭ, "źnižajecca imaviernaść, što Pucin pojdzie na prezydenta "sajuznaje dziaržavy".