Va Ukrainie daremna zabaraniajuć rasijskija telekanały, miarkuje staršynia «Biełteleradyjokampanii» Hienadź Davydźka.
Takoje mierkavańnie jon vykazaŭ 9 kastryčnika pierad sustrečaj z aktyvam BRSM, adkazvajučy na pytańni žurnalistaŭ.
«Heta biestałkovaja prapanova, — ličyć Davydźka. — My ciapier žyviem u časy takoj infarmacyjnaj prastory, što zabaraniać što-niebudź biessensoŭna, bo ŭsio možna pahladzieć u internecie».
U Biełarusi, na jaho dumku, nikoli nie pojduć na padobny krok.
Nahadajem, u žniŭni 14 rasijskich telekanałaŭ, jakija paličyli vinavatymi ŭ prapahandzie vajny na terytoryi Ukrainy, pa zahadzie ŭkrainskaha MUS unieśli ŭ śpis zabaronienych. Tranślacyi pazbavili «Piervyj kanał. Vsiemirnaja sieť», «RTR-Płanieta», «Rośsija 24», «NTV-Mir», TVCI (TV Cientr), «Rośsija 1», «NTV», «TNT», «Pietierburh 5», «Źviezda», «RIEN-TV», Life News, Russia Today i «RBK-TV».