Prajekt «Navarosija» zakryty. Pucin daručyŭ viarnuć 17,6 tysiač vajskoŭcaŭ u miescy ich pastajannaj dysłakacyi,
piša ŭ svaim Fejsbuku rasiejski apazicyjanier, palityk Barys Niamcoŭ.
«Možna pieradychnuć i padvieści niekatoryja vyniki. Jany žudasnyja. Ni adna z metaŭ, paznačanych Pucinym, nie dasiahnutaja:
1. Chacieŭ pryviazać Ukrainu da Rasii, damahčysia jaje ŭvachodžańnia ŭ MS. Atrymaŭ roŭna advarotnaje, Ukraina abrała jeŭrapiejski viektar i nikoli nie vierniecca ŭ arbitu pucinskaha ŭpłyvu.
2. Chacieŭ damahčysia niejtralitetu Ukrainy, zachavać jaje pazabłokavy status. Poŭny pravał. Ciapier užo jasna, što Ukraina ščylna i nadoŭha źviazanaja z NATA. Prachodziać sumiesnyja vučeńni Ukraina-NATA, naładžvajecca vajenna-techničnaje supracoŭnictva z Aljansam.
3. Chacieŭ pavahi z boku ŭkrainskaha naroda. Atrymaŭ voraha na doŭhija hady i Pucin-chu@ło.
4. Chacieŭ Navarosiju ad Daniecka da Adesy. Atrymaŭ mienšuju častku Danieckaj i Łuhanskaj abłaściej.
5. Chacieŭ kalidor u Krym praz Maryupal. Atrymaŭ adpor i akopy, jakija ryli ruskija ludzi ŭ Maryŭpali, kab nie prapuścić akupanta.
6. Chacieŭ, kab jak u Krymie, biez adzinaha strełu, atrymaŭ 4000 zabitych z taho i inšaha boku.
7. Chacieŭ, kab ekanomika Rasii nie paciarpieła. Atrymaŭ ucioki kapitału bolš za 100 młrd dołaraŭ, 40 rubloŭ za dołar (devalvacyja bolš za 20%) i dvuchznačnuju inflacyju na pradukty. A taksama poŭny zastoj u ekanomicy bieź inviestycyj i inavacyj.
8. Chacieŭ padtrymki z boku impiercaŭ i nacyjanalistaŭ (typu Hirkina, Sputnika i Pahroma) — atrymaŭ krajniaje ź ich boku razdražnieńnie i tytuł zdradnika.
9. Chacieŭ zastacca pryznanym u suśvietnaj palitycy. Staŭ izhojem. Z Vaśmiorki vyhnali, nikudy nie zaprašajuć, usia bratva pad sankcyjami, nichto, akramia Łuki i Nazarbajeva, mieć znosiny nie choča. Dy i tyja padtrymlivajuć adzinstva Ukrainy i patrabujuć hrošaj.
Asablivaha pośpiechu dasiahnuŭ Alaksandr Ryhoravič — atrymaŭ 3,5 młrd dołaraŭ u hod z rasiejskaha biudžetu i paviedamiŭ pry hetym, što Rasiju treba padzialić pamiž Manholijaj i Kazachstanam.
10. Adzinaje, što chacieŭ i atrymaŭ, dyk heta vysoki rejtynh, zasnavany na impierskaj isterycy i cyničnaj chłuśni ahitprapa. Ale heta nienadoŭha. Chutka narod zrazumieje, što košty vyraśli, a dachody nie. Zvalvać usio na Abamu doŭha nie atrymajecca.
Voś tak jon usich pierajhraŭ. U pieršuju čarhu, Rasiju».
