Prezident Rasii Uładzimir Pucin prymie ŭdzieł u samicie G20, jaki adbudziecca ŭ listapadzie ŭ aŭstralijskim Bryśbienie.
Pra heta zajaviŭ ministr finansaŭ Aŭstralii Džo Choki ŭ efiry Aŭstralijskaj radyjoviaščalnaj karparacyi.
Jon paviedamiŭ, što atrymaŭ ad rasiejskich uładaŭ paćviardžeńnie, što Pucin «naviedaje samit lidaraŭ G20».
Pa słovach Choki, siarod dziaržaŭ G20 ustalavaŭsia kansensus adnosna metazhodnaści ŭdziełu Pucina ŭ samicie.
Choki taksama adznačyŭ, što ŭ padtrymku ŭdziełu rasijskaha prezidenta ŭ samicie «dvaccatki» vystupajuć i kancler FRH Anhieła Mierkiel i prezident ZŠA Barak Abama.
Pry hetym ministr finansaŭ Aŭstralii vykazaŭ nadzieju na toje, što na samicie ŭ Bryśbienie adbudziecca «šyroki i adkryty dyjałoh z Pucinym».
Raniej premjer-ministr Aŭstralii Toni Ebat, kamientujučy kryzis va Ukrainie, adznačyŭ, što jon «nie asabliva ščaślivy» z nahody mnohich aśpiektaŭ rasiejskaj palityki.
Jon taksama zaklikaŭ Maskvu ŭ poŭnym abjomie supracoŭničać u spravie rasśledavańnia katastrofy małajzijskaha pasažyrskaha samalota na ŭschodzie Ukrainy ŭ lipieni hetaha hoda.
