Padraździaleńni chutkaha reahavańnia pražskaj palicyi zakryli viečaram u subotu častku staličnaha centralnaha vakzała z-za padazreńniaŭ, što adzin z pasažyraŭ, jakija pryjechali z Hany, moža być inficyravany virusam Eboła.
Pra heta paviedamiła pradstaŭnica staličnaj palicyi Andrea Zaŭłova. «My pryniali miery paśla taho, jak nam paviedamili, što na vakzale znachodzicca čałaviek, jaki pryjechaŭ z Hany, i jon chvory. U ciapierašni čas na miesca vyjechali ratavalniki, hałoŭny sanitarny ŭrač krainy ŭžo ŭ kursie», — adznačyła jana.
Dniom u subotu ŭ infiekcyjnuju balnicu była dastaŭlenaja taksama adna z haściej hatela ŭ horadzie-kurorcie Karłavy Vary. Žančyna, niadaŭna jakaja naviedała Nihieryju, adčuła siabie drenna.
«Pakul my nie možam ničoha ni paćvierdzić, ni abvierhnuć. Dyjahnaz joj da hetaha času jašče nie pastaŭleny», — prakamientavała stan chvoraj pradstaŭnica haradskoj vyratavalnaj słužby Pietra Bakurova.
