Pakolki Rasija zabaraniła impart sielskahaspadarčych i charčovych praduktaŭ, litoŭskija małočniki pačali ekspartavać svaju pradukcyju ŭ Biełaruś, adnak tempy ekspartu tarmoziacca zatrymkami ŭ raźlikach, paviedamiła hazieta Lietuvos zinios.
«Tysiačy ton byli vyviezienyja za jakija try tydni. Hety praces pačaŭsia ŭ siaredzinie vieraśnia», — paviedamiŭ haziecie vice-staršynia Litoŭskaj sielskahaspadarčaj pałaty i pajščyk kaapieratyva Pienas LT Bronius Markaŭskas.
Pavodle jaho słoŭ, tempy małočnaha ekspartu ŭ Respubliku Biełaruś pakul pavolnyja, bo poźniacca raźliki, adnak heta dosyć zvyčajnaja praktyka na biełaruskim rynku. Havoračy ab dziejnaści kaapieratyva Pienas LT Markauskas adznačyŭ, što ŭ Biełarusi idzie pošuk partnioraŭ, jakija mohuć pasteryzavać małako.
«Pakul my šukajem partnioraŭ, jakija b mahli pasteryzavać małako. Tamu viadziem pieramovy ź pierapracoŭščykami. (…) Paśla ŭvozu małaka ź Litvy, Polščy biełarusy mohuć vyrablać pradukty i ekspartavać ich u Rasiju. Heta dla ich moža być załataja žyła», — skazaŭ Markaŭskas.