«Heta budzie žachliva, kali my stracim movu. Čym my tady budziem adroźnivacca ad našych susiedziaŭ? Jak heta razumieć, kali ŭ nas historyju i hieahrafiju Biełarusi bolšaść vyvučajuć pa-rusku. Hramadzianin Biełarusi abaviazany vałodać dźviuma dziaržaŭnymi movami», — padkreśliŭ vice-premjer Anatol Tozik u čaćvier na pasiadžeńni rabočaj hrupy, stvoranaj dla analizu sistemy adukacyi.
Mierapryjemstva prajšło na bazie siaredniaj škoły №20 horada Barysava, paviedamlaje ahienctva BiełTA.
Kali «matčyna mova» sydzie sa škoły, — pamre nacyja, upeŭnieny členy rabočaj hrupy. Na hetaje pytańnie ŭžo nie raz źviartaŭ uvahu i kiraŭnik dziaržavy, adznačajecca ŭ paviedamleńni.
Členy kamisii taksama prapanujuć prybrać z nazvy škoł ŭkazańnie na kankretnuju movu navučańnia i ŭvieści abaviazkovy ispyt pa dźviuch dziaržaŭnych movach za kurs siaredniaj škoły (ciapier navučency zdajuć taki ispyt na vybar).
