Na pres-kanfierencyi ŭ Miłanie Pucin praciahvaŭ nazyvać Uschodniuju Ukrainu Navarosijaj. Ničoha novaha proci raniejšych svaich aecnak jon nie skazaŭ.
Pucin zajaviŭ, što Rasija bolš nie budzie pastaŭlać Ukrainie haz bieź pieradapłaty, navat na Danbas.
Prezidentam Ukrainy i Rasii Piatru Parašenka i Uładzimiru Pucinu nie ŭdałosia dasiahnuć praktyčnych vynikaŭ pa pytańni pastavak hazu ŭ čas pierahavoraŭ. Pra heta Parašenka zajaviŭ pa zaviaršeńni dvuchbakovaj sustrečy, paviedamlaje «Interfaks-Ukraina».
«My nie zmahli dasiahnuć jakichści praktyčnych vynikaŭ u hazavym pytańni. Ale my spadziajomsia, što da 21 kastryčnika, da sustrečy ŭ Brusieli delehacyj Ukrainy, Rasii i Jeŭrakamisii, nam udasca znajści rašeńnie pa hazie», — skazaŭ Parašenka žurnalistam.
Razam z tym prezident Rasiei ŭ svaim vystupie paviedamiŭ ab prahresie ŭ pieramovach pa hazie.
U pryvatnaści, pavodle jaho słoŭ, bakam udałosia damovicca ab umovach adnaŭleńnia pastavak hazu va Ukrainu na praciahu zimovaha pieryjadu.
Adnak «pastaŭlać haz u doŭh RF bolš nie budzie», — padkreśliŭ Pucin.
Nahadajem, što heta ŭžo treciaja sustreča ŭkrainskaha i rasijskaha lidaraŭ u dzień.
Paśla sustrečy ŭ «narmandskim farmacie» Parašenka zajaviŭ, što była dasiahnutaja tolki damoŭlenaść ab asnoŭnych paramietraŭ novaha hazavaha kantraktu z Rasijaj.
Jak viadoma, dva papiarednija raŭndy pieramovaŭ pamiž prezidentami Ukrainy i Rasii prachodzili ŭ prysutnaści jeŭrapiejskich palitykaŭ. Spačatku za pieramovami nazirali 7 lidaraŭ Jeŭrasajuza i krain-členaŭ ES. Druhi raŭnd prajšoŭ u prysutnaści kanclerki Hiermanii i prezidenta Francyi.
Što datyčyć inšych temaŭ, to Pucin nazvaŭ padzieńnie cenaŭ na naftu vynikam zmovy. «Pabačym, jak buduć raźvivacca padziei, dumaju, što chutka situacyja palepšaje», — skazaŭ jon.
