Ustupiŭ u siłu prysud Mahiloŭskaha abłsuda pa kryminalnaj spravie ab zabojstvie z asablivaj žorstkaściu dźviuch asob
Jak paviedamlaje Hienieralnaja prakuratura Biełarusi, prysudam sudovaj kalehii pa kryminalnych spravach Mahiloŭskaha abłasnoha suda asudžany da pažyćciovaha źniavoleńnia žychar Hłuskaha rajona za ździajśnieńnie zabojstva z asablivaj žorstkaściu dźviuch asob, u tym liku małaletniaha dziciaci.
U časie sudovaha razboru vyśvietlena, što abvinavačany ŭ pačatku vieraśnia 2013 hoda ŭ haradskim pasiołku Hłusk padčas svarki sa svajoj sužycielkaj na hlebie vyznačeńnia jaho baćkoŭstva ŭ dačynieńni da 3-miesiačnaj dziaŭčynki źbiŭ žančynu, źviazaŭ jaje viaroŭkaj, źmiaściŭ razam ź dziciem u miech, vyviez na aŭtamabili i zakapaŭ kala budynka fiermy.
Pavodle zaklučeńnia sudova-miedycynskaj ekśpiertyzy, śmierć paciarpiełych nastupiła ad aśfiksii.
Vina abvinavačanaha całkam dakazanaja materyjałami papiaredniaha i sudovaha śledstva, havorycca ŭ paviedamleńni Hienprakuratury.
Viarchoŭnym sudom kasacyjnaja skarha asudžanaha pakinutaja biez zadavalnieńnia, prysud ustupiŭ u zakonnuju siłu.
