Navukoŭcy śćviardžajuć, što adkryli pachodžańnie sparvańnia jak formy repradukcyi žyvych istot.
Mižnarodnaja kamanda daśledčykaŭ pryjšła da vysnovy, što ryba, jakaja žyła 385 miljonaŭ hadoŭ tamu i viadomaja pad łacinskaj nazvaj Microbrachius dicki, była pieršym vidam žyvych arhanizmaŭ, jaki dla repradukcyi vykarystaŭ seks zamiest nierastu.
Hetaja ryba była kala vaśmi santymietraŭ u daŭžyniu i žyła ŭ aziorach na terytoryi ciapierašniaj Šatłandyi.
Samcy hetaj ryby mieli H-padobny prydatak, jaki jany ŭvodzili ŭ nievialikuju kaścianuju strukturu ŭ zadniaj častcy ryby-samki.
Paradaksalnym čynam, jak śćviardžajuć navukoŭcy, u chodzie dalejšaj evalucyi hety vid ryby zatym znoŭ viarnuŭsia da nierastu.
Prajšło jašče niekalki miljonaŭ hadoŭ, pierš čym sparvańnie jak sposab repradukcyi źjaviŭsia u prodkaŭ akuł i skataŭ.
