U maskoŭskim aeraporcie «Unukava» pry ŭźlocie raźbiŭsia lohkamatorny samalot Falcon-50, na jakim znachodziŭsia 63-hadovy kiraŭnik rady dyrektaraŭ najbujniejšaj francuzskaj naftavaj kampanii Total Krystaf de Maržery.
Pryčynaj katastrofy ŭ pres-słužbie aeraporta ličać sutyknieńnie samalota sa śniehaŭboračnym kambajnam, jaki pa niajasnych pryčynach apynuŭsia na UPP. Samalot na ŭźlocie, pa papiarednich dadzienych, sutyknuŭsia sa śniehaŭboračnaj mašynaj, što pryviało da rezkaha źnižeńnia chutkaści i padzieńnia.
Pavodle papiarednich źviestak, zahinuli piać čałaviek — pasažyr i try členy ekipaža, a taksama kiroŭca śniehaŭboračnaj mašyny.
Total, adna z najbujniejšych u śviecie naftahazavych kampanij, źjaŭlajecca apierataram adnaho z troch prajektaŭ u Rasii - Charjahinskaha naftavaha radovišča ŭ Nienieckaj AT. U 2008 hodzie Total stała pieršym partnioram «Hazproma» ŭ raspracoŭcy pieršaj fazy Štokmanaŭskaha hazakandensatnaha radovišča z dolaj u 25%.
Adnak paśla ŭviadzieńnia Zachadam sankcyj suprać Rasii ŭ suviazi ź jaje rolaj u padziejach na Ukrainie budučyniu prajektaŭ Total ŭ Rasii apynułasia pad pytańniem.
U minułym miesiacy kiraŭnictva Total zajaviła, što sankcyi nie paŭpłyvajuć na prajekcie «Jamał SPH», i što kampanija nie źbirajecca sychodzić z Rasii.
U toj ža čas raniej z-za sankcyj Total prypyniła supracoŭnictva z rasijskaj kampanijaj «Łukojł» pa sumiesnaj raspracoŭcy radoviščaŭ u Zachodniaj Sibiry
