«Daviedaŭsia, što ŭ hetym navučalnym hodzie zimovyja kanikuły ŭ škole pačynajucca až z 28 śniežnia i praciahvajucca da 11 studzienia. Heta značyć, što dzieci-kataliki buduć pavinny iści ŭ škołu na Vihiliju i Božaje Naradžeńnie, u adroźnieńnie ad pravasłaŭnych. Čamu takaja dyskryminacyja?» — takoje pytańnie dasłaŭ naš čytač Aleś Kaśpiarovič.
U Ministerstvie adukacyi paćvierdzili, što kanikuły i sapraŭdy pačynajucca 28 śniežnia. Adnak vučycca na katalickaje Naradžeńnie Chrystova dzieci ŭsio ž nie buduć.
«Zhodna ź dziaržaŭnym kalendarom vychodnych i śviatočnych dzion, faktyčna kanikuły ŭ škole pačnucca ŭžo z 25 śniežnia, — paviedamiła «Našaj Nivie» Maryja Sarotnik, načalnik upraŭleńnia sacyjalnaj, vychavaŭčaj i ideałahičnaj raboty Minadukacyi Biełarusi. – Bo katalickaje Rastvo – heta aficyjna niepracoŭny dzień, a za 26 śniežnia ludzi adpracujuć, ci, u vypadku škoły, advučacca, raniej, 20-ha».
Takim čynam, chvalavacca baćkam-katalikam i ich dzietkam niama čaho. Pravodzić śviata na pracy ci ŭ škole im nie pryjdziecca.
