21 kastryčnika ŭ Centry Cučasnych Mastactvaŭ startavaŭ vystavačny prajekt brazilska-biełaruskaha street art fiestyvalu VULICA BRASIL, arhanizavany Ambasadaj Brazilii ŭ RB.
Adkryćcio sabrała nievierahodnuju kolkaść moładzi, było ciažka padyjści da ekspanataŭ. Cikavaść zrazumiełaja, bo fiestyval prapanavaŭ ahulnuju placoŭku dla pracy dźvium krainam z takim roznym staŭleńniem da stryt-artu: haradskoje mastactva ŭ Brazilii padtrymlivajecca na dziaržaŭnym uzroŭni, naš stryt-art pakul ścipła maryć. Akramia taho, brazilskija mastaki, jakija pryjechali ŭ Biełaruś dla ŭdziełu ŭ mierapryjemstvie – imiony mižnarodnaha ŭzroŭniu.
Ekspazicyja źbirajecca žyć u litaralnym sensie. Kožny nastupny dzień budzie prynosić źmieny, transfarmacyi i ekśpierymienty. Za tym, jak mastaki mianiajuć ekspazicyju na praciahu fiestyvalu, možna sačyć tut: www.facebook.com/vulicabrasil, http://instagram.com/vulicabrasil
Dziŭnyja siurpryzy čakajuć nas na fasadach budynkaŭ Fabryčnaj-22, Kastryčnickaj-16 i Enhielsa-34.
Prahrama fiestyvalu:
22 kastryčnika ŭ 18.00 – multymiedyja-prezientacyja prajekta «Vulica Brazil» i tvorčaja sustreča z brazilskimi mastakami Vałteram «Tinho» Namura z San-Paułu, Ražeryo Fiernandesam ź Biełu-Aryzonci ŭ kinakłubie «Blow up» Centra Sučasnych Mastactvaŭ.
23 kastryčnika ŭ 20.00 – tvorčy art-viečar u «Chulihanie» (vuł. Kastryčnickaja 16). Uvachod volny.
29 kastryčnika ŭ 18.00 – pakaz kinafilmaŭ pra vuličnaje mastactva i ich abmierkavańnie ŭ kinakłubie «Blow up» Centra Sučasnych Mastactvaŭ.
30 kastryčnika ŭ 18.00 – lekcyja mastactvaznaŭcy, kuratara vystaŭki Kamiły Januškievič pra historyju biełaruskaha stryt-artu, prezientacyja prajektaŭ biełaruskich mastakoŭ i supolnaści «Signal».
31 kastryčnika ŭ 18.00 – sučasnyja interaktyŭna-adukacyjnyja kursy biełaruskaj movy «Mova nanova»z temaj «Mastactva vulic». Vykładaje Jula Traćciak (Baranavičy). U 20.00 – stryt-art aŭtapaci ŭ Čyrvonym dvoryku (Revalucyjnaja, 7).
6 listapada ŭ 18.00 – zakryćcio vystavačnaha prajekta ŭ Centry Sučasnych Mastactvaŭ.
9 listapada – instalacyja makieta brazilska-biełaruskaha horada na płoščy Jakuba Kołasa.
Centr Sučasnych Mastactvaŭ, h. Minsk, vuł. Niakrasava, 3.
Čas pracy: 11.00 – 19.00.
Vychadnyja: niadziela, paniadziełak.
Uvachod volny.
Daviedki pa teł. 262-62-15, 292-93-36.
Zdymki z adkryćcia vystavy:
