 Valancin Bialkievič |
34‑hadovy V.Bialkievič staŭ adnym z hulcoŭ kamandy, ź jakim nie byŭ pradoŭžany kantrakt. «Nijakich kryŭdaŭ nie pavinna być, — skazaŭ I.Surkis. — Bialkieviču ŭdałasia bliskučaja karjera, doŭhi čas jon byŭ hałavoj kamandy».
Bialkievič, aprača inšaha, prajaviŭ siabie patryjotam kłuba. U jaho lepšyja hady im cikavilisia italjanskija «Fijarencina» i «Sampdoryja», a Rynat Achmietaŭ (prezident danieckaha «Šachciora») u 2001 hodzie prapanoŭvaŭ za Valancina 8 młn. dołaraŭ — vielmi surjoznyja pa tym časie hrošy. Ale ja nikoli nie sprabavaŭ zarablać na hulcach, tamu i nie pradaŭ jaho Achmietavu».
«Aprača taho, sam Bialkievič zaŭsiody chacieŭ być u «Dynama», — padkreśliŭ I.Surkis. — Pa sutnaści, jon naš futbalist, chacia i biełarus. Viedaju, što jon padaŭ dakumienty na afarmleńnie ŭkrainskaha hramadzianstva. Ź im vielmi ciažca raźvitvacca, chacia za praviedzienyja ŭ kłubie 11 hadoŭ roznaje było, u tym liku i parušeńni režymu. Ułasna ja skazaŭ jamu: «Ty razumny chłapiec, zakančvaj škołu trenieraŭ, i my znojdziem tabie miesca ŭ kłubie jak trenieru».
«Ja prychilnik zachavańnia lehiendarnych hulcoŭ «Dynama» dla kłuba, bo my jeli adzin chleb, rabili adnu spravu», — zajaviŭ I.Surkis.
V.Bialkievič hulaŭ za ŭkrainskuju kamandu z 1996 hoda paśla pierachodu ź minskaha «Dynama». Źjaŭlajecca vaśmirazovym čempijonam Ukrainy (1997—2001, 2003, 2004, 2007), siamirazovym uładalnikam Kubka Ukrainy (1998—2000, 2003, 2005, 2006, 2007). U vyšejšaj lizie ŭkrainskaha futbołu za «Dynama» pravioŭ 224 matčy, zabiŭ 51 miač. U jeŭrakubkach za «Dynama» pravioŭ 70 matčaŭ, zabiŭ 10 miačoŭ, za biełaruskuju zbornuju ŭ aficyjnych matčach — 56 matčaŭ, 10 miačoŭ (zaviaršyŭ vystupleńni ŭ 2005 hodzie).
Na ŭkrainskich futbolnych sajtach źjaviłasia infarmacyja, što V.Bialkievič moža pradoŭžyć karjeru ŭ kijeŭskim «Arsienale», ale pakul jana nie atrymała aficyjnaha paćviardžeńnia.
