Premjer-ministr samaabvieščanaj Danieckaj narodnaj respubliki Alaksandr Zacharčanka zajaviŭ u intervju telekanału LifeNews, što nikoli nie kazaŭ pra toje, što pad Čyrvonaarmiejskam (Danieckaja vobłaść) byli znojdzieny cieły 286 zastrelenych žančyn.
«Ja takoha nie kazaŭ», — zajaviŭ Zacharčanka. Pavodle jaho słoŭ, jon raspavioŭ ŚMI tolki pra toje, što kiraŭnictva DNR atrymała 300-400 zajaŭ ab źniknieńni maładych žančyn.
Raniej słovy «premjera» «DNR» pra masavyja zabojstvy pad Čyrvonaarmiejskam raspaŭsiudzili jak najhałoŭnuju navinu kramloŭskija ahienctvy «Interfaks» i RIA «Novosti».
«Amal 400 žančyn va ŭzroście ad 18 da 25 hadoŭ źnikli ŭ Čyrvonaarmiejsku bieź viestak, dzie raskvataravany bataljon «Dniepr-1». 286 cieł žančyn byli vyjaŭlenyja vakoł Čyrvonaarmiejska zhvałtavanymi», — cytavała Zacharčanku RIA «Novosti». Pry hetym «Interfaks» sa spasyłkaj na lidara «DNR» udakładniaŭ, što ŭsie znojdzienyja cieły «byli vyjaŭleny z adtulinami ŭ patylicy».
