Michaił Parečankaŭ u Danieckim aeraporcie stralaŭ bajavymi bujnakalibiernymi patronami, pierakanany staršynia Ukrainskaj asacyjacyi ŭładalnikaŭ zbroi Hieorhij Učajkin.
«Parečankaŭ stralaŭ bajavymi patronami. Heta kalibr 12,7 mm. Chutčej za ŭsio heta byli braniabojnyja patrony», — skazaŭ ekśpiert u kamientary Bi-Bi-Si Ukraina.
Pa słovach Hieorhija Učajkina takija vysnovy całkam možna zrabić z prahladu videa i fotamateryjałaŭ, zroblenych u Danieckim aeraporcie padčas vizitu tudy rasijskaha akciora.
«Heta strašnaja zbroja. Luboje traplańnie ŭ čałavieka takoha kalibra — heta imhniennaja śmierć», - dadaje ekśpiert.
Jon taksama sumniavajecca ŭ tym, ci jość chałastyja patrony dla bujnakalibiernaha kulamiota «Ucios», ź jakoha, miarkujučy pa videasiužecie, stralaŭ Michaił Parečankaŭ.
«Z takoj zbroi trenirujucca, kab trapić, a nie imitavać», — kaža Hieorhij Učajkin.
