 |
U Homielskaj abłasnoj universalnaj biblijatecy ŭ studzieni 2008 hodu planujecca adkryć muzej redkaj knihi. Tut buduć prezentavanyja bukninistyčnyja rarytety, jakija raniej nie demanstravalisia masavym naviednikam.
Ciapier praktyčna zavieršanaja rekanstrukcyja zalaŭ, u jakich budzie mieścicca novy muzej. Viadziecca praca pa farmavańni ekspazycyj na asnovie fodnu redkaj knihi, jaki maje abłasnaja ŭniversalnaja biblijateka.
U muzei buduć vystaŭlenyja ŭnikalnyja asobniki z familnaj kalekcyi knih siamji kniazioŭ Paskievičaŭ, čyj majontak stajaŭ na terytoryi Homiela. U hetym zbory jość vielmi redkija vydańni, datavanyja XVI‑XX stahodździami. Siarod ich: pryžyćciovyja vydańni Hohala, Tałstoha, Dziaržavina j inšych viadomych piśmieńnikaŭ taho času. Jość u kalekcyi taksama ŭschodnija rukapisy j knihi ź biblijateki Napaleona Banaparta.
