U dzień vybaraŭ Zacharčanka ci nie ŭpieršyniu źjaviŭsia nie ŭ kamuflažy, a ŭ kašuli i pinžaku, fota itar-tass.com
Alaksandr Zacharčanka, «premjer-ministr» «DNR», lidziruje na vybarach «kiraŭnika» samaabvieščanaj Danieckaj narodnaj respubliki. Pra heta raspavioŭ kiraŭnik CVK DNR Raman Lahin sa spasyłkaj na dadzienyja ekzit-połu.
Za Alaksandra Zacharčanka prahałasavali 81% vybarščykaŭ.
Pavodle dadzienych ekzit-połu, vice-śpikier sajuznaha parłamienta «Navarosii» Alaksandr Kofman nabiraje 9,7% hałasoŭ vybarščykaŭ, a Jury Sivakonienka — 9%.
DNR składaje 1/3 častku Danieckaj vobłaści Ukrainy.
Prezident Ukrainy Piatro Parašenka nazvaŭ vybary ŭ DNR i ŁNR «farsam pad dułami tankaŭ i aŭtamataŭ» i zaklikaŭ Rasiju nie pryznavać ich vyniki.
Maskva ž zahadzia abviaściła, što pryznaje lehitymnymi vyniki hałasavańnia na padkantrolnych sieparatystam terytoryjach.
