Pra heta zajaviŭ 12 listapada na pres-kanfierencyi ŭ Minsku namieśnik staršyni kamiteta architektury i horadabudaŭnictva Minharvykankama Pavieł Łučynovič.
realt.by
«Heta pryncypovaje rašeńnie novaha hienieralnaha płana horada», — adznačyŭ jon.
Pavodle jaho słoŭ, «prablema była ŭ tym, što na praciahu doŭhich dziesiacihodździaŭ ludzi nie mahli raźvivać svajo žyllo, jany znachodzilisia pad damokłavym miačom pa znosu, i heta było nie vielmi humanna ŭ adnosinach da ludziej. Tamu pryniata rašeńnie nie znosić poŭnaściu pryvatny siektar, indyvidualnaje domabudavańnie. Kali my dazvolim ludziam raźvivać hetyja terytoryi, jany mohuć pryvieści jaje ŭ paradak, tamu što my bačym, što niekatoryja rajony indyvidualnaj zabudovy znachodziacca ŭ niezdavalniajučym stanie. U inšych biełaruskich haradach takija terytoryi našmat lepšyja i bolš achajna vyhladajuć. Heta źviazana z tym, što my sami nie davali ludziam raźvivać i rekanstrujavać hetyja terytoryi», — ličyć pradstaŭnik Minharvykankama.
Razam z tym jon adznačyŭ, što «tyja siektary, jakija znachodziacca ŭzdoŭž asnoŭnych vulic, płanujucca da znosu dla nadańnia staličnaha abličča hetym terytoryjam». Taksama buduć znosicca pryvatnyja damy, jakija trapiać u zonu budaŭnictva novych daroh i linij mietrapalitena.
Na pytańnie ab uščylnieńni zabudovy stalicy Łučynovič adkazaŭ: «Uščylnieńnie ŭ horadzie budzie pravodzicca vielmi akuratna, da hetaha pytańnia budzie indyvidualny padychod. Tym bolš novaja sistema hramadskaha abmierkavańnia prajektaŭ sistematyzavała hetaje pytańnie. U jaje asnovu lahło mierkavańnie nasielnictva».
