Narviežskija vajskoŭcy zaŭvažyli rasijski źniščalnik-bambardziroŭščyk Su-34 kala svaich miežaŭ, paviedamiła hazieta Verdens Gang sa spasyłkaj na pradstaŭnika ministerstva abarony krainy.
Fatazdymak Su-34, zrobleny narviežskimi lotčykami.
Su-34 byŭ aficyjna pryniaty na ŭzbrajeńnie rasiejskich uzbrojenych siłaŭ tolki viasnoj 2014 hodu.
«Hety samalot raniej zaŭvažali i identyfikavali inšyja dziaržavy NATA, ale my nikoli nie bačyli ich na poŭnačy, kala bierahoŭ Narviehii», - skazał aficer.
Samalot byŭ sfatahrafavany narviežcami 29 kastryčnika, kali para źniščalnikaŭ F-16 padniałasia, kab pierachapić nad Barencavym moram hrupu abjektaŭ, jakija akazalisia rasijskimi bajavymi samalotami. Heta byli stratehičnyja rakietanośbity Tu-95MS, zapraŭščyk Ił-78 i Su-34.
Pieršaja sustreča. F-16 Narviehii (sprava) adsočvaje ruchi rasijskaha Su-34.
Su-34 byŭ raspracavany na bazie źniščalnika Su-27 jak šmatmetavaja mašyna, zdolnaja nanosić vysokadakładnyja ŭdary pa naziemnych i marskich celach. Ciapier u rasijskaj avijacyi kala 60 Su-34.
Raniej paviedamlałasia, što Rasija pavialičvaje hrupoŭku vojskaŭ u Arktycy, u tym liku pierakidvajučy tudy novuju avijacyju.