Miechaničnuju fihuru prezidenta Rasii Uładzimira Pucina pradali na aŭkcyjonie Blecker ŭ Kiolnie ŭsiaho za 35 tysiač jeŭra. Ab hetym paviedamlajecca na sajcie aŭkcyjonu.
Pačatkovy košt łota byŭ 18 tysiač jeŭra. Imia pakupnika nie nazvanaje.
Fihurku, vyšynioj u 51 santymietr, stvaryŭ znakamity šviejcarski majstar Kryścijan Bieji, jaki śpiecyjalizujecca na stvareńni darahich cacak.
Dla paraŭnańnia: za fihurku junaka, jaki hraje na flejcie i na vyrab jakoj majstar vydatkavaŭ kala 15 tysiač hadzin, zapłacili bolš za 6 miljonaŭ dalaraŭ.
U kastryčniku brytanskaje vydańnie The Independent sa spasyłkaj na Moscow Times paviedamlała, što za lalku mohuć zapłacić niekalki miljonaŭ dalaraŭ.
Pucin siadzić za stałom i pad muzyku valsa z «Džazavaj siuity» Šastakoviča padpisvaje dahavor ab dałučeńni da Rasijskaj Fiederacyi Respubliki Krym. Miechaničny Pucin krucić hałavoj, u jaho šklanyja vočy, jon apranuty ŭ kłasičny čorny kaścium i padpisvaje papieru husinym piarom.
U anatacyi, pradstaŭlenaj aŭkcyjonnym domam, skazana, što «pravaja ruka Pucina realistyčna ruchajecca pa papiery». «Padpisaŭšy» dahavor, Pucin «zadavolena» kivaje.
