Šlach GPS-trekieraŭ ad vioski Novaje Dziaviatkina da Finskaha zaliva.
Hrupa ekaaktyvistaŭ praviała ekśpierymient, u jakim spuścili niekalki GPS-datčykaŭ va ŭnitaz kvatery ŭ vioscy Novaje Dziaviatkina.
Žychary hetaha pryharada Pieciarburha, jaki aktyŭna zabudoŭvajecca novymi šmatpaviarchovymi damami, skardziacca, što kanalizacyjnyja ścioki ź vioski nie pastupajuć na stancyju ačystki, a źlivajucca ŭ miascovuju rečku.
Sačeńnie za šlacham GPS-trekieraŭ pakazała, što tyja sapraŭdy nie trapili ŭ kanalizacyju — u hetym vypadku jany b nie zmahli pieradavać sihnał. Datčyki ŭspłyli ŭ miascovym ručai ŭ vioscy Novaje Dziaviatkina, zatym trapili ŭ prytok Niavy raku Ochta, vypłyli ŭ Niavu i ź joju — u Finski zaliŭ.
Cikavym momantam u hetaj historyi źjaŭlajecca toje, što hrošy na budaŭnictva stancyj ačystki kanalizacyjnych ściokaŭ u Sankt-Pieciarburhu praź Finlandyju vydzialaŭ Jeŭrasajuz u ramkach prahramy «Paŭnočnaje vymiareńnie».
Adzin z punktaŭ finskaj prahramy praduhledžvaje spynieńnie pramych zbrosaŭ kanalizacyjnych ściokaŭ u Niavu. Pavodle prahramy, budaŭnictva Paŭdniova-Zachodnich ačystnych zbudavańniaŭ u Pieciarburhu na hrošy Finlandyi było zavieršana ŭ 2005 hodzie.