29 listapada adbudziecca matč rehularnaha čempijanatu KCHŁ «Dynama» Minsk — «Miedvieščak» (Zahrab). Hałoŭnym elemientam pieradmatčavaha šou stanie novy prajekt Siarhieja Michałka «Brutto».
«Hurt vystupić z 20-chvilinnym setam, u jaki ŭvojduć usie chity, u tym liku — Underdog, «Hiry» i «Hareza». Vystup «Brutto» — vydatnaja nahoda pryjechać u subotu na «Minsk-Arenu» zahadzia. Hrupa pačnie svoj vystup u 16:20», - paviedamlaje aficyjny sajt «zubroŭ».
«Hałoŭny chakiejny kłub krainy, samy pierśpiektyŭny rok-hurt Biełarusi, najlepšaja spartyŭna-zabaŭlalnaja arena stalicy.
Usie składniki pośpiechu i pieramohi ŭ adnym miescy», — prakamientavaŭ budučuju padzieju hałoŭny trenier Brutto Siarhiej Michałok.
Heta budzie pieršy vystup Brutto ŭ Biełarusi, hurt utvaryŭsia 1 vieraśnia paśla skančeńnia dziejnaści «Lapisa Trubiackoha».