Ź siońniašniaha dnia pamiž Biełaruśsiu i Polščaj, a taksama pamiž Biełaruśsiu i Litvoj pačnuć časova ŭžyvacca novyja dvuchbakovyja damovy ab uzajemnych pajezdkach hramadzianaŭ. Pra heta paviedamlajecca na aficyjnym sajcie Ministerstva zamiežnych spravaŭ Biełarusi.
Novyja damovy, źviazanyja z tym, što Polšča i Litva ŭvajšli ŭ Šenhienskuju prastoru. Jany praduhledžvajuć bolš ilhotny ŭ paraŭnańni z šenhienskim paradak atrymańnia vizaŭ hramadzianami Biełarusi. Prynamsi, prava na atrymańnie biaspłatnych vizaŭ u Polšču na parytetnaj asnovie buduć mieć udzielniki kulturnych, navukova-techničnych i spartovych mierapryjemstvaŭ. Da taho ž, damova z Polščaj praduhledžvaje skaračeńnie z 10 da 5 pracoŭnych dzion termin razhladu vizavych chadajnictvaŭ.
Damova ź Litvoj praduhledžvaje mahčymaść afarmleńnia šmatrazovych vizaŭ terminam da troch hadoŭ dzieciam da 16-ci, asobam va ŭzroście 65-ci hadoŭ i starejšym, a taksama invalidam pieršaj hrupy.
I Polšča, i Litva buduć vydavać biaspłatnyja vizy tym katehoryjam hramadzianaŭ, jakija majuć na heta prava pavodle šenhienskaha zakanadaŭstva – dzieciam da 6 hadoŭ, vučniam, studentam, aśpirantam, a taksama navukoŭcam, jakija vyjaždžajuć za miažu dla praviadzieńnia navukovych daśledavańniaŭ.