Terarysty ŁNR i DNR sprabujuć štučna stvaryć hoład na akupavanych terytoryjach.
Pra heta padčas cyrymonii pamiaci achviar haładamoraŭ zajaviŭ prezident Ukrainy Piatro Parašenka.
«Padobna na toje, duchoŭnyja naščadki Stalina, Kahanoviča, Postyšava nie raspuścilisia ŭ ciemry historyi. Jany kirujuć kryvavy bal na časova zachoplenych ziemlach tak zvanych ŁNR i DNR, paŭtarajuć tam złačynny ekśpierymient časoŭ Haładamoru, pazbaŭlajučy mirnych ludziej praduktaŭ», — zajaviŭ prezident.
Pavodle jaho słoŭ, hetak ža jak u 30-ja hady savieckaja ŭłada spyniała sproby pieradačy praduktaŭ charčavańnia na terytoryi, dzie byŭ hoład, ciapier na Danbasie sprabujuć zabłakavać pieradaču humanitarnaj dapamohi z Ukrainy.
«Siońnia, kali na akupavanych terytoryjach Danbasa pačynajucca hałodnyja bunty, bajeviki stralajuć u mašyny z ukrainskaj humanitarnaj dapamohaj», — skazaŭ prezident.
Parašenka padkreśliŭ niedapuščalnaść paŭtareńnia trahiedyi Haładamoru, vykazaŭ upeŭnienaść u pieramozie nad akupantami i zaklikaŭ ukraincaŭ jadnacca pierad abliččam novych vyklikaŭ.
