U minułyja vychodnyja pamočnik prezidenta pa pytańniach nacyjanalnaj biaśpieki Viktar Łukašenka naviedaŭsia na etap čempijanatu śvietu pa aŭtahonkach u kłasie «Formuła-1» u Abu-Dabi. Potym jon pravioŭ pieramovy z pradstaŭnikami kirujučaj siamji, piša partał tut.by sa spasyłkaj na miascovyja ŚMI.
Raniej paviedamlałasia, što starejšy syn biełaruskaha kiraŭnika staŭ zaŭsiodnikam etapu «Formuły-1» u Abjadnanych Arabskich Emiratach. Jon užo niekalki hadoŭ zapar značycca ŭ liku hanarovych haściej Hran-pry Abu-Dabi. Śpiecyjalnaje zaprašeńnie jon atrymoŭvaje ad kirujučaj siamji emirata. Darečy, hetym razam nazirać za karaleŭskimi aŭtahonkami ź vip-łožy pryjazdžali taksama prezident Sierbii Tamisłaŭ Nikalič, kiraŭnik Čačni Ramzan Kadyraŭ, prezident Tatarstana Rustam Minichanaŭ.
Akramia nazirańnia za aŭtahonkami Viktar Łukašenka 25 listapada pravioŭ pieramovy z vysokapastaŭlenymi miascovymi čynoŭnikami. U pryvatnaści, biełaruskaja delehacyja sustrakałasia ź vice-premjeram i kiraŭnikom MUS Emirataŭ hienierał-lejtenantam šejcham Siejfam bien Zaidam al-Nachajanam. Pavodle aficyjnaj infarmacyi, «baki abmierkavali šerah pytańniaŭ, jakija ŭjaŭlajuć uzajemnuju cikavaść, i šlachi ŭmacavańnia adnosin pamiž dźviuma krainami».
